Փորձերի նկատմամբ սիրո պատճառով Կանադայի 70-ամյա բնակիչը քիչ է մնացել մահանա:
Canadian Journal of Cardiology-ում հրապարակված զեկույցի համաձայն, տղամարդը, որի անունը չի նշվում, մարիխուանայով սառնաշաքար է փորձել՝ հույս ունենալով, որ այն կմեղմացնի օսթեոարթրիթից առաջացող հոդերի ցավը:
Կես ժամից նրա մոտ սարսափելի հալյուցինացիաներ եւ կրծքավանդակում ուժեղ ցավեր են սկսվել:
Տղամարդուն շտապ հոսպիտալացրել են: Բժիշկները պարզել են, որ նրա մոտ սրտի նոպա է եղել: Էկզոտիկ աղանդերի սիրահարը խոստովանել է, որ մարիխուանայով մի ամբողջ սառնաշաքար է կերել, որում տետրահիդրոկանաբինոլի (THC) պարունակությունը 13 անգամ գերազանցել է նորման:
Նախկինում տղամարդն արդեն ունեցել է սրտի խնդիրներ եւ նրան անգամ շունտավորում են արել, սակայն վերջին երկու տարիներին, նրա խոսքով, առողջական վիճակը զգալիորեն կայունացել էր:
THC-ը հոգեակտիվ դեղ է, որը տագնապի զգացում եւ էյֆորիա է առաջացնում: Կանաբիսով սառնաշաքարն ուտելուց հետո տարեց տղամարդու մոտ նյարդային գերգրգռում, հալյուցինացիաներ եւ տագնապի զգացում է առաջացել: Սա առաջին հերթին ուժեղ սրտխփոց եւ արյան բարձր ճնշման է հանգեցրել:
THC-ի ազդեցության դադարից հետո անանուն պացիենտի մոտ հալյուցինացիաները եւ կրծքավանդակի ցավը անհետացել են:
Հետևեք NEWS.am Medicine-ին Facebook-ում և Twitter-ում